Google ADS

6 të vdekur dhe disa të zhdukur nga përmbytjet dhe rrëshqitjet e dheut në Japoni

07:20 | 23 Shtator 2024
E.H

Gjashtë persona kanë humbur jetën dhe 10 të tjerë rezultojnë të zhdukur pasi reshjet rekord shkaktuan përmbytje dhe rrëshqitje të dheut në disa pjesë të prefekturës Ishikawa të Japonisë.

Qytetet Wajima dhe Suzu, të cilat janë ende duke u rikuperuar nga një tërmet vdekjeprurës që shkatërroi zonën më 1 janar, janë ndër më të goditurat nga përmbytjet.

Të dielën, të dy qytetet shënuan dyfishin e sasisë së reshjeve që marrin zakonisht në shtator në një vit mesatar, raportuan mediat lokale.

Dhjetra lumenj dolën nga shtrati i tyre, duke izoluar më shumë se 100 komunitete në të gjithë prefekturën.

Agjencia meteorologjike e Japonisë lëshoi nivelin më të lartë të alarmit “kërcënues për jetën” për Ishikawa të shtunën dhe e uli atë në një paralajmërim të rregullt të dielën. Megjithatë, autoritetet kanë bërë thirrje për vigjilencë të vazhdueshme pasi shiu i rrëmbyeshëm ka të ngjarë të vazhdojë deri të paktën mesditën e së hënës./abcnews.al

Shpërndaje në rrjete sociale

Lajmet më të lexuara

Të ngjashme

Foto lajm